Posted on December 6, 2006

0


I generally find it annoying when people post poems on their otherwise prose blogs, especially if the poems suck, but I liked this one so here goes.

العنب

الناس بتقول كلام كتير
وتعظيم سلام للامير

بارت الارض والوقت اذن
فلاح زمان مات وادفن

كلام ربنا على الحيطان بقى زينة
وقلوبهم خوت تماثيل فى فاترينة

يا خسارة على الناس وجفاف الطينة
الطينة الطيبة بقت علب وصفيح
لا الزرع طرح ولا العالم بقى فصيح

تيجان الملوك بقت اراطيس
اروح فين يا زمن ابليس
بدلت قلوب العيال بحجر
وعل العيال قلبى انفطر

ارضنا بتتباع بالرخيص
والناس بالحوافز والكوادر بتهيص
وهى فتات رماها الامير
وجت مع ريح الخريف بتطير

بيقولوا اكل العيش يحب الخفية
وخزنة الدولة عليها ايد خفية
وعقول الناس مشغولة بالحية
لتخطف يوم العيد العدية

سرطنوا الاكل وسمموا الميه
ومفيش كلام غير ع الست لولبية
هذت شوارعنا بحاجات اباحية
وقالوا ان العنب هو صاحب المسئولية

وقال العنب هستانف مع صدام
وسيبكوا من غزة ومن الحطام
وسيبكوا من الى حاصل فى لبنان
خلينا فى وسط البلد والى بان

وانسوا بقيت البلد احنا ناقصين
لنعدى على العشوائيات وحدود فلسطين
ويمسكوا فينا الجعانين واللاجئين

ومنعرفش نحضر المؤتمر اللى جاي
اصل المؤتمر فيه جاتوه و شاي

وتعظيم سلام للامير
بلا كلام فى ال…بلا كلام كتير

Hania Mansour
Advertisements
Posted in: Uncategorized